Almal kan Afrikaans spel in Nellies

Nellies wys hul staal tydens die SA Landloop Kampioenskappe
September 9, 2019
Laerskool Nelspruit Meriete toekennings 2019
December 3, 2019
AKAS-2019-Laerskool-Nelspruit
AKAS-2019-Laerskool-Nelspruit
Nellies se taalsterre is, voor van links, Vian Louw, Abigail van Zyl en Kwandokuhle
Mhlongo. Middel: Zané Nel, Tiago Dias en Tamzyn Pelser. Agter: Nasya Wevell en Feziwe
Nkosi.

DIT is nie waar dat kinders nie meer geleer word om te kan spel nie.
Die Laerskool Nelspruit (Nellies) het hierdie stelling bewys toe agt van die skool se leerders puik presteer het tydens die Almal Kan Afrikaans Spel (AKAS) inisiatief wat deur die departement van onderwys gereël word.

Die doel van die spelling-kompetisie is om leerders se woordeskat en spelling te verbeter. Die kompetisie het in 2016 ontstaan om leerders in Afrikaans te motiveer om te spel, lees en te praat.

Twee leerders in elke graad moes hulself uitpresteer om aan die projek te kon deelneem en daarna het ongeveer 180 leerders van verskeie skole in die Laeveld aan die AKAS deelgeneem.

Die finale rondte het vroeër vandeesmaand plaasgevind by Laerskool Nelspruit en die skool se onderwysers kan hulself op die skouer klop na die leerders se uitstekende prestasies.

UITSLAE:

Graad 4 Engels Addisionele Taal (EAT): Feziwe Nkosi (vierde);
Graad 4 Afrikaans Hooftaal (AHT): Abigail van Zyl (eerste) en Nasya Wevell (vierde).
Graad 5 EAT: Tiago Dias (derde);
Graad 5 AHT: Vian Louw (eerste) en Zané Nel (tweede).
Graad 6 EAT: Tamzyn Pelser (tweede);
Graad 7 EAT: Kwandokuhle Mhlongo (eerste)

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.