Kultuur 2012 124 Medium

Met Koorsang wil ons ‘n lewenslange liefde vir musiek en sang by leerders ontwikkel. Koorsang leer dan ook deursettingsvermoë, toewyding en kinders leer om as ‘n span saam te werk. Laerskool Nelspruit het twee kore. Die Juniorkoor bestaan uit kinders uit graad 1 tot 3 en die Seniorkoor uit kinders van graad 4 tot 7.

Beide kore tree tydens skoolfunksies op asook by die Nelspruit Standard Bank Eisteddfod. Die Seniorkoor neem ook deel aan die ATKV Applous Koorkompetisie.Laerskool Nelspruit bied ook jaarliks ‘n Koorfees aan waar plaaslike skoolkore sowel ‘n gaskoor optree. Die gaskoor is gewoonlik ‘n Universiteitskoor. Die Koorfees word op ‘n hoogtepunt afgesluit met ‘n massakoor item.

Ons is ongelooflik trots op beide die kore. Met hul hoë standaard van sang, hou hulle die Nellie-naam hoog!

Jnr Koor Medium

 

Nellies deel van Sing in harmonie

Sing in Harmonie is die eerste skoolkoorkompetisie in sy soort wat vir skole regoor Suid-Afrika die kans bied om op nasionale TV hul merk te maak

Koorsang is die een aktiwiteit wat nie seisonaal gekenmerk word nie en dus is leerders wat deelneem hieraan regdeur die jaar pligsgetrou. Met Sing in Harmonie word daar nou ‘n opwindende nuwe verhoog en geleentheid geskep. Sodoende kry hierdie leerders die geleentheid om op nasionale TV hul merk te maak. Daar is 3 kategorieë naamlik Junior kore (Laerskool gr. 1 – 3), Senior kore (Laerskool gr. 4 – 7) en Hoërskool kore. Die Senior afdeling word opgedeel in 2 afdelings naamlik INFORMEEL en FORMEEL (slegs van toepassing by die Senior afdeling).

Hoe werk dit? Elke Koor moet 2 liedere sing. In hierdie repetorium moet daar ‘n Afrikaans en ‘n Gewyde komponent wees. Indien lied 1 byvoorbeeld ‘n Afrikaanse Christelike lied is, los dit beweegruimte vir lied 2. ‘n Medley met ‘n Afrikaanse komponent (gemeng met ander tale ook) tel ook as ‘n Afrikaanse lied. Die opname proses bestaan uit 2 dele: 1. Insetsel: Tydens die televisie uitsending word ‘n insetsel uitgesaai voor elke koor se optrede. Die insetsel stel die koor voor aan kykers. Hier word onderhoude met koorlede, koorleiers, skoolhoofde ens. uitgesaai. Die riglyne vir voorbereiding word na die sperdatum vir inskrywings aan skole deurgestuur. 2. Aand opname: By hierdie geleentheid tree die verskillende kore in die streek op voor ‘n paneel van beoordelaars. Tydens hierdie opname kan ouers die geleentheid bywoon. Die kore wat deurdring na die finaal word hier bekend gemaak aan die einde van die opname. Voor elke koor se optrede word die insetsel videogreep gespeel sodat die gehoor dit ook kan sien. Ouers betaal ‘n toegangsfooi wat eersdaags bevestig word.

By hierdie episode aande neem daar in die senior kategorie dan beide afdelings (informeel en formeel) deel. Dit is nie gewaarborg dat daar in elke afdeling ‘n koor sal deurdring na die finaal nie, aangesien hierdie af hang van die beoordelaarspaneel en die standaard van die kore in die spesifieke episode. Die beoordelaars kry 4 keer in ‘n kategorie die geleentheid om ‘n koor te red. Hulle hoef egter nie al die redkanse te gebruik nie. Tydens die uitsendings kry kykers die geleentheid om te stem vir hul gunsteling kore. Indien die kykers nie saamstem met die beoordelaarskeuses nie, gaan nog ‘n koor deur na die finaal. Kykerskeuses is nie van toepassing by die Hoërskole reeks nie. Die verskillende kore dring deur na die groot finale in Johannesburg.

Laerskool Nelspruit se Juniorkoor het in 2018 deurgedring na “Regstreeks in Harmonie” en was een van slegs drie Juniorkore wat tydens hierdie Nasionale kompetisie opgetree het.

Die Seniorkoor het deurgedring na die Finaal van die buite Gauteng streke. Hier het hulle die toekenning vir beste Nie-Afrikaanse lied ontvang.